大人都可以學鼓學結他學樂器！幾個步驟輕鬆學識
細個讀書時上音樂堂接觸到音樂，當時可能未開竅，又可能怕難、驚唔夠時間，唔少人大個咗都會後悔以前冇學樂器，但又擔心年紀唔再細，而家至學樂器會好難上手。其實同好多事情一樣，學樂器都係「有心唔怕遲」。教你幾個步驟，就可以輕鬆學識，變身做夢寐以求嘅音樂人喇！
1. 第一件要做嘅事，係排除心理障礙。純粹因為「大個咗」就唔夠膽學樂器，未免太可惜。小朋友學樂器嘅好處，其實同時適用於大人。大人學樂器並唔係一件浪費時間、浪費金錢嘅事，反而有利於協調能力、認知能力、記憶力、計數、人際關係，仲可以減壓抗抑鬱，令身體更健康添呀！
2. 第二個步驟就係揀樂器，已經有心水樂器就唔洗煩啦；如果未有的話，可以揀比較易學嘅樂器試吓先，例如ukelele、鋼琴同口琴，如果有興趣學木管樂器，可以從長笛或者單簧管入手。
3. 大家都知樂器價錢唔平，但未學過未試過又唔知係咪真正適合自己玩，所以建議大家一係買二手樂器，一係租樂器，控制成本。
4. 小朋友嘅樂器班開到成行成市，但原來都有好多音樂導師會教大人玩樂器，點搵？立即click入黎啦！
5. 練出成績後，緊係要去交流吓切磋吓啦，去邊？立即click入黎搵band房啦！