電子琴款式花多眼亂，價錢由幾百蚊到幾千蚊不等。唔想買錯？教你8招選購，無論係第一次買定係初學者，都唔洗?爆頭！
1. 電子琴琴鍵嘅靈敏度同重量好影響真實手感，平台鋼琴觸感鍵(hammer effect keyboard)效果最佳，亦有部分電子琴提供唔同嘅琴鍵靈敏度作選擇。初學者應選88鍵keyboard。
2. 電子琴愈貴，音質愈好，不過初學者未必需要買太貴，大家可因應自己budget同需要去選擇。
3. 電子琴嘅音源亦非常重要，電子琴琴音都係由原聲琴取樣(sampling)，因為彈原聲琴時同一個琴鍵都可以變化出唔同嘅聲效，取樣廣啲可以方便練習彈奏技巧，所以一部電子琴每個音嘅取樣愈多，代表部琴嘅質素愈高。
4. 一般嘅電子琴可以同時彈到32個音，配合延音踏板效果，用最靚嘅model可以同時彈出超過200個音！
5. 喇叭嘅大細、數量、強度都會影響電子琴嘅音效，留意返，喇叭愈大，電子琴就會愈重。
6. 唔少電子琴都内置聲音存庫，如果願意額外俾錢就可以用到更多唔同嘅聲音效果，某啲選擇可以好貴，不過唔同model唔會影響到聲音存庫嘅選擇，錄完音後，可以喺後製時修改聲效。
7. 電子琴嘅製造材料其實都好影響初學者，最平嘅電子琴琴鍵係塑膠製，中價同貴價琴嘅琴鍵係合成象牙，冇咁跣手，手感更接近原聲琴。
8. 電子琴主要分為4大類：好似原聲琴咁嘅直立型、keyboard型、便携型同埋專業級表演型。如果只需要喺屋企練琴，咁就算部電子琴大部、重啲都唔怕，但如果需要帶部琴四圍去，就一定要揀方便携帶嘅model啦。
學識呢8招，就可以輕鬆揀到適合自己需要嘅電子琴啦！